معاناة مجتمع...........1

من الشبكة الليبرالية السعودية:

أبغى حذياني ........ هيئة حي الشفا 1414

---

عام 1414 هجري كنت ادرس في ثانوية ابي بكر العربي بحي الشفا بالصف الثاني ثنوي
خرجت انا وزميلي (م ن ) عصرا نتمشى في سيارته الجديده كرسيدا موديل 94 جي ال
وكنا نتمشى في اشارع ( الاصفر ) شارع مشهوور جدا في الشفا وهو شارع الشباب

لسوء الحظ اننا دخلنا هذا الشارع بعد انتهاء اذان المغرب رغم اني طلبت من صديقي (م ن)
ان يبتعد عن هذا الشارع وقت الصلاه بسبب مرور الهيئه فيه كل يوم وخصوصا اوقات الصلاه ..

صديقي ( م ن) أصر على اننا نتمشى في الشارع ..

وفجأه واذا بثلاثة شباب متلطمين راكبين ددسن غمارتين يأشرون لنا محاذين لسيارتنا .. قال زميلي وش يبغون ذولي ؟

الشباب كانوا متطلطمين طبعا .. وقف زميلي نزلت القزاز وفجأه يفتح واحد منهم الباب بسرعه
ويمسكني مع راسي .. وانكشف وجهه لما قرب من القزاز حاول زميلي يهرب لكن طفت عليه السياره فجأه .. دخل المطوع جسمه مع القزاز وأخذ يضرب زميلي بالبكووس حتى داخ ..

سحبوني وطلعوني خارج السياره ومسكوا زميلي واعطوه ثلاثة كفوف ..

وسحبونا قدام الناس

ركبوونا في الغماره الثانيه في الكرسيدا وركبوا اثنين منهم قدام .. واخذ السائق يعشق القير حتى ان القير بغى ينخرط طلع منه صوت عالي ..

قال زميلي ياخي حرام عليك شوي شوي بالسياره تراها جديده امش بشويش وطف المكيف لانك تدعس البنزين وفي نمره واحد ..

التف الراكب المطوع لزميلي وصفقه كف علىوجهه .. ثم ناظر فيني انا توقعت انه بيصفقني الكف الثاني ..

لكن نظر فيني نظره رحمه وشفقه ..

استغربت اشمعنى زميلي ياكل له 10 كفوف وأنا ولا كف واحد ..

وبعد ماجرجورونا في الشارع وتلموا الناس علينا اخذونا لمركز الهيئه فرع الشفا ..

دخلوا الكرسيدا في المركز قال المطوع يالله انزل انت وياه يا.............!!

نزلت وتفاجأت ان حذياني الثانيه مش موجوده ..
قلت للمطوع الله يخلليك حذياني الظاهر طاحت مني بالشارع يوم جرجرتوني ..

قال ادخل صل بلا حذيان ,,,الحذيان بتجيك في وجهك بعد شوي ..

دخلت المركز وصلينا معهم المغرب وكان يصلليبنا شيخ المركز

فاتتني ركعه صلليت الركعه .. وانا قاعد افكر في مصيري بعد الصلاه كيف رح يكون ..

انتهينا من الصلاه وجلسونا في غرفه موحشه كأنها غرف التحقيق اللي في سوريا

زهموا زميلي ودخل عندهم وانا جلست انتظر .. وسمعت زميلي يقول والله ماسوينا والله مافعلت وهذا زميلي ومدري ايش ..

انا مافهمت السالفه وشهي .. سمعت صوت 4 كفوف و3 بثقوس واااهااااات من زميلي

انا قلت بس المره الماضيه سلمت من الكفوف الحين رحاخذها كلها دفعه وحده

بعد نص ساعه طلع زميلي من عندهم ووجهه كان متورم واحمر وحالته حاله ..

وجلس بجنبي وما أمداني اسأله وشفيك الا وهم ينادون باسمي

نادوا بأسمي ودخلت ووجدت شيخ او رئيس المركز وعنده 3 مطاوعه ..

قال رئيس المركز .. وش اسمك قلت ( ح س ) قال وين تدرس قلت في ثانوية ابو بكر العربي
قال تعرف الاستاذ ( م ع ) قلت ايه اعرفه

قال وش يدرسك قلت ( توحيد)

قال : طيب لحظه ويدق على الاستاذ في بيته .. قال كيف حالك يا استاذ ( م ع ) عندك طالب اسمه ( ح س)

وكأنه قال له ايه أعرفه .. قال كيف سلوكه عندك في الفصل ..!!

وبعد الاسئله سأله الاستاذ ليش مسكتوه ؟؟

قال الشيخ ابدا مسكناه في قضيه ..

وأول ماسمعته يقول قضيه انهارت اعصابي خصووصا ان المدرس هاذا يحترمني واحترمه وكنت مؤدب عنده جدا ..

المهم قال الشيخ تعال قرب مني ..

قلت بس الحين استقبل البقووس والكفوف .. كنت مرتبك جدا .. حسّ الشيخ اني متوتر وضايع

قال تعال لا تخاف تعال .. يوم قربت منه قال انت ليش تمشي مع زميليك هذا مالقيت شاب غيره تمشي معه ؟؟

قلت : ياشيخ زميلي هذا من يوم احنا بأولى ابتدائي مانتفارق أبدا ..
قال : انت تدري وش يبي منك هذا الوقح يوم يركبك معاه في سيارته ؟
قلت : لا ياشيخ وش تتوقع يبي مني ؟
قال : هااااااااااااااااااااذا يبي يشخصبك الله يهديك وانت شاب الله عطاك جمال وركاده

انا بيني وبينكم اول مره اسمع هالعباره في حياتي (( يشخصبك )) !!!!!!

قلت اشلون يعني ياشيخ مافهمت عليك ؟؟

قال : الله يصلح ياولدي هذا يبي يجرجرك عشان تركب معاه ويوري الشباب ان معه ولد حلو

يعني انت الوااد حقه فهمت علي ولا لا ؟؟

قلت : والله ياشيخ ماكنت ادري ان صديقي جبان ونذل كذا

المهم بعد التحقيقات اعطونا ورقه نوقع عليها انا كنت مثل الاطرش في الزفه مااعرف شي ..

زميلي قال مارح اوقع الين اقرأ اللي مكتوب ..

قال الشيخ توقع غصبن عليك حتى لو قريت ..

قرأ زميلي الورقه وكان تعهد بأننا ماعاد نعاكس البنات ولا نزعج الناس بالابواق ولا نفحط .....الخ

زميلي اعترض وياااااااااليتك يا ( م ن ) ما اعترضت .. ثواني الاّ والكف االخامس عشر على وجهه

ووقعنا وجينا نركب سيارتنا لقينا اشرطة عبدالمجيد عبدالله في الزباله ومكانها اشرطه اسلاميه وكتب توعويه ..

فتش زميلي الدرج لقى رسايل الشغاله مسروقه نزل لهم ونا قعدت في السياره .. بعد خمس دقايق رجع برسايل الشغاله ..

قال زميلي شفت حتى رسايل الشغاله يقولون انها رسايل غراميه رغم انها مكتوبه بالاندونيسي !!

شغل زميلي السياره قلت حذياني خل نروح ندورلها في الشارع الاصفر ,, رحنا الشارع الاصفر

وكان وقت اذان العشا ,, قلت اقوووووووووووول البيييت واللي يرحم والديك ماعاد ابغى حذياني

اقسم بالله هذي القصه حصلتلي ومازدت ولا نقصت منها شئ ..